فاكر / لمنال الخميسي

فاكر 
لما كنا لوحدنا وانت مش عارف مين أنا  
بس سامع صوتي مش جديد
صوت سمعته قبل كده  
صوت بيحكي لك ويشكيلك
 كل يوم وساعات يغنيلك 
علشان أول ماأشوفك وتكون بتبكي
 وأكلمك تسكت شويه 
وأقولك ايوه هو دا الصوت
اللي كنت بتسمعه دا صوتي انا 
صوت أم قعدت تحكي وتشكي لابنها
وهو لسه ساكن جنب قلبها 
كنت بتتحرك جواها ويتحرك معاك قلبها
 يسيب مكان لقلبك الصغير
 يعيش ويكبر وكل يوم يزيد حبها 
فاكر لما كنت اقعد معاك ساعات طويله أقولك عل ظلمني 
واللي تعبني واللي وجعني
 واقولك برده علشانك بكره أسامح الناس كلها 
مستنياك تيجي دنيتي تنورها وتملاها حب
واعوض بيك سنين صعبه عشتها
 فاكر دا كله ولانسيت 
فاكر أول ما شوفتك وخدتك في حضني قولت إيه ؟
علشانك سامحت الناس كلها
 خلاص بدأنا صفحه جديده انت أول واحدكتبتها
كتبت  فيها 
 أملي في بكره وأيام علشانك عشتها
أملي  اللي علشانك مستنياه 
أقول للناس دا ابني حبيبي
غير حياتي ملاها حب لأمه وللناس كلها 
الصوت دا النهارده بتسمعه
 مضايقك شويه علشان بينصحك 
بس مش قادر يكون غير كده
مايقدرش يشوفك غلطان ويضحكك 
لازم تسمعه كده يزعلك ويأنبك علي كل غلطه
 من خوفه عليك اكتر من أي حد هيضحكك
النهارده وبكره هيضحك عليك 
صوته حلو بس من جواه عايز يبكيك مش يضحكك 
خلي بالك الدنيا مليانه قلوب كتيره  هتحبها
 وتطمن لها بس هاتبقي عايزه زي 
مابتعملك تعملها
 مافيش حاجه من غير تمن 
غير حبي ليك وخوفي عليك
هو بس اللي مالوش تمن 
التمن الوحيد اللي أطلبه 
 هو راحتك نجاحك ضحكتك
 اللي ياما سمعتها حتي من قبل ما تتقابل عنينا
 وأقولك ايوه أنا
أنا اللي انت سمعت صوتها يجي من كام سنه 

وهي بتحكي وتشكي وتضحك
وتبكي وياما غنينا سوا 
لما كنت ساكن جنب قلبي بتحركه لغايه ماداب
وبقيت مكانه قلب أبيض  
مليان براءه وحنان 
ايوه انت بقيت قلبي انا
شوفت انت عندي تبقي ايه
قلبي اللي بيحب الناس كلها 
أوعي تزعل مني  من خوفي عليك  أو تمل 
 كلها كام يوم أوبالكتير  كام سنه
 وتلاقي اللي تحبك من قلبها
 ساعتها هاطمن عليك
عايشه هابقي وقتها مش عايشه مش مهم 
هاحس بيك واطمن عليك  
أصل اللي بينا مش بس صوت دا قلب عايش
 جوايا  حتي لو بعدنا أو عدت مليون سنه 
ربنا يحمي ضحتك  ويقبل دعايا ليك
 يبعد عنك كل شر ودايما في طاعة ربنا 
في  حاجه في الاخر
 مش عايزه أيامك تنسيك
إن دايما رضايا عليك لماتأدي 
فروض ربنا  
ولا تقدر تنام إلا بضمير مرتاح
انك مش بتعمل  غير كل خير
 تنفع بيه  غيرك ونفسك وتنفعنا كلنا
كده أبقى راضيه عنك ومش خايفه عليك
 وأقول يارب أنا ليا ابن ربيته في طاعه ليك
 يعلي في دينك ويبقى قدوه لناس كتير
 وطريق هدايه بالحب   والود ترجعهم لطريق ربنا